حال ومحال

والحال الحال
والحال الحال ياولاد الحال
ماهنيتوا هذا الرحبة
شي حالو تكاد وشي مالو مال
هاني دايع معانق الغربة
وللي ماتخير واش يدير
هذا مرتاح وانا فين فين
هذا مهني وحالي بندير
طالع جبال حثى لين ولين
نازل حدورة ومونس السير
امري يالسامعني وعجيب
عيش مقسم قاسي وعسير
ياك ماعندي غير مول الغيب
خطواتي موصلاني لهناك
ماكداني خلوة وقبة
والناس يقولوا شكون بكاك
مهموم وحالي ف الضربة
مرة نتكلم كالمجدوب
مرة نبكي فين ولادي
مرة حالي صامت مغلوب
ياك زايدة ف عماقي نهادي
والحال الحال ياولاد الحال
ماهنيتوا هذا الرحبة
شي حالو تكاد وشي مالو مال
هاني دايع معانق الغربة