قديسة المشردين
بقلم الشاعر /سايد س سابا

اسمك ي كلكوتا بالارض انتشر
ومش الكل بيعرفوا مطرح وجودك
براهبه ارتبط . خيرا ع الشر انتصر
بمحبتا وخدمتا تخطت حدودك

تيريزا يا راهبه كلك قداسه
عشتي العمر والبسمه على خدودك
قدام لطفك يلين كل قلب قاسي
والمرضى والفقرا تعودوا ع جودك

الرحمه والمحبه كانوا صفاتك
وع كل الارض نفرشت ورودك
لخدمة الانسان رهنتي حياتك
وتركتي محبة المسيح تقودك

ي راهبه مقدسه بالقلوب من زمن
ي مخلده قبل اعلان خلودك
خللي الرحمه بقلوبنا تنسكن
تنكفي سوا بهالدني مقصودك

سايد  س  سابا